Þessi smásaga er tilraun til að segja frá upphafi og sögu alheimsins ásamt þróun lífs á Jörðinni á máli sem höfðar til barna. Sagan er ekki hugsuð sem kennsluefni heldur frekar til að vekja áhuga barna á alheiminum og vísindum. Í sögunni nota ég ekki alltaf rétt heiti yfir hlutina heldur bý til ný orð og persónugeri efni og lögmál. Rafeindir, róteindir og nifteindir eru t.d. kallaðar Raffar, Rótar og Niffar. Ég læt samt stundum fylgja með útskýringar yfir hlutina og hugtökin sem verið er að fjalla um. Hugmyndin er að þeir sem eru eldri geti notað það til að leita að frekari upplýsingum um viðkomandi atriði. Þannig geta jafnt ungir sem aldir notið þess að lesa sögunna og spáð í alheiminn saman.
Allar hugmyndir, viðbætur og leiðréttingar eru vel metnar. Það vantar líka mjög myndskreytingar og það myndi sannarlega hjálpa við að útskýra efnið betur. Ég hvet fólk, bæði börn og fullorðna, að teikna myndir fyrir söguna og annaðhvort biðja mig um að setja þær inn í þessar útgáfu eða gefa út sína eigin myndskreyttu útgáfu.
Sagan er gefin út undir opnu leyfi (CC BY 4.0). Það felur í sér að öllum er frjálst að afrita og dreifa sögunni á öllum hugsanlegum sniðmátum. Einnig breyta henni, bæta við og jafnvel selja. Allt er leyfilegt svo lengi sem vísun til upphaflegs höfundar er tekin greinilega fram.
Vinir mínir sem lásu söguna yfir og hvöttu mig til að gefa hana út fá sérstakar þakkar.