| digitization-url |
|---|
Èk-tsò Tiê-chiu Péh-ūe
Phoi ũ
Tshuàn-tsu.
Sùaⁿ-thâu: Lói-pài-tn̂g Hông-soh-hṳn ìn.
Matthew; (Tie-chiu Dialect.) Printed for the British and Foreign Bible Society at the English Presbyterian Mission Press. Swatow 1889.
[1] Iâ-sou Ki-tok, chiũ-sĩ A-pek-la̍h-hán kâi kiáⁿ-sun1, iā-sĩ Tã-phek kâi kiáⁿ-sun2, I-kâi tso̍k-phóu3.
[2] A-pek-la̍h-hán seⁿ Íⁿ-sat4; Íⁿ-sat seⁿ Iá-kok5; [3] Iá-kok seⁿ Iû-tã kũa i-kâi hiaⁿ-tĩ6; Iû-tã tshông-tõ Tã-má seⁿ Huap-le̍k-sṳ̃ kũa Sat-la̍h7; [4] Huap-le̍k-sṳ̃ seⁿ Íⁿ-sṳ̃-lûn8; Íⁿ-sṳ̃-lûn seⁿ A-lân; A-lân seⁿ A-mí-ná-ta̍t; A-mí-ná-ta̍t seⁿ Ná-sũn; [5] Ná-sũn seⁿ Sàn-bûn: Sàn-bûn tshông-tõ La̍h-ha̍p seⁿ Po-sṳ̃; Po-sṳ̃ tshông-tõ Lũ-tit seⁿ O-pek; [6] O-pek seⁿ Iâ-si; Îa-si seⁿ Tã-phek uâng9.
Tã-phek tshông-tõ U-lì-a kâi chhi seⁿ Só-lô-mn̂g10; [7] Só-lô-mn̂g seⁿ Lô-po-àm11; Lô-po-àm seⁿ A-pí-a; [8] A-pí-a seⁿ A-sat; A-sat seⁿ Iak-sa-huap; Iak-sa-huap seⁿ Iak-lân; Iak-lân seⁿ U-si-a; [9] U-si-a seⁿ Iak-tàn; Iak-tàn seⁿ A-hap-sṳ̃; A-hap-sṳ̃ seⁿ Hi-si-kia; [10] Hi-si-kia seⁿ Má-ná-si12; Má-ná-si seⁿ A-mn̂g; A-mn̂g seⁿ Iak-si-a; [11] Iak-si-a seⁿ Iâ-ko-nî-a kũa i-kâi hiaⁿ-tĩ13, chiũ-sĩ mîn pĩ-súa khṳ̀ Pa-pí-lûn kâi sî-hāu14.
[12] Mîn pĩ-súa khṳ̀ Pa-pí-lûn ãu, Iâ-ko-nî-a seⁿ Sat-la̍h-thiet15; Sat-la̍h-thiet seⁿ Só-lô-pa-pek16; [13] Só-lô-pa-pek seⁿ A-pí-ut; A-pí-ut seⁿ Íⁿ-lĩ-a-kim; [14] Íⁿ-lĩ-a-kim seⁿ A-só; A-só seⁿ Sat-to̍k; Sat-to̍k seⁿ A-kim; A-kim seⁿ Íⁿ-lu̍t; [15] Íⁿ-lu̍t seⁿ Íⁿ-lĩ-a-sat; Íⁿ-lĩ-a-sat seⁿ Má-tàn; [16] Má-tàn seⁿ Iá-kok; Iá-kok seⁿ Iak-sek, Iak-sek chiũ-sĩ Má-lĩ-a kâi chiãng-hu. Má-lĩ-a seⁿ Iâ-sou, chiũ-sĩ chheng-tsò Ki-tok.
[17] Chièⁿ-seⁿ tsṳ̃ A-pek-la̍h-hán chì-kàu Tã-phek-kâi sì-tō kāng ũ tsa̍p-sì tō: tsṳ̃ Tã-phek chì-kàu pĩ-súa khṳ̀ Pa-pí-lûn iũ--sĩ tsa̍p-sì tō; tsṳ̃ pĩ-súa khṳ̀ Pa-pí-lûn chì-kàu Ki-tok iũ--sĩ tsa̍p-sì tō.
[18] Iâ-sou Ki-tok seⁿ kâi sṳ̄-chhêng sĩ àn-chièⁿ-seⁿ1: I-kâi a-bó Má-lĩ-a íⁿ-keng hṳ́-phiàⁿ Iak-sek, nõ-nâng būe-chêng tsò-pû, thóiⁿ-tshut i ũ sin-hūn, chiũ-sĩ tshông-tõ Siàⁿ-sîn chiũ-ũ--kâi2. [19] I kâi chiãng-hu Iak-sek, sĩ ngĩ-jîn, iā m̄-kam zo̍k--i pun chèng-nâng thóiⁿ3, siẽⁿ àiⁿ àm-chẽⁿ hiuⁿ-tiāu. [20] Nā-sĩ-chiàⁿ-tõ-siẽⁿ chí tsùaⁿ-kâi-sṳ̄ Tsú kâi sài-chiá tõ-māng--tang hién-hīn, tùi-i tàⁿ, Tã-phek kâi kiáⁿ-sun Iak-sek a, lṳ́ tie̍h-tshūa lṳ́-kâi-chhi Má-lĩ-a kui lṳ́, màiⁿ kiaⁿ-gî; in-ũi i só-siũ kâi tho sĩ tshông-tõ Siàⁿ-sîn4. [21] I chiang-àiⁿ-seⁿ lâm-jî, lṳ́ tie̍h chheng I-kâi-miâⁿ tsò Iâ-sou5, in-ũi sĩ I àiⁿ-kiù I-kâi mîn thut-tshut in-kâi tsũe-ak6. [22] Chí tsùaⁿ-kâi sṳ̄ tsò-chiâⁿ, chiũ-sĩ lâi èng-ngiām Tsú thoh soiⁿ-tsai-nâng só-tàⁿ kâi ūe, sĩ tàⁿ,
[23] Che̍k-kâi nńg-tsṳ́ chiang-àiⁿ siũ-tho, seⁿ lâm-jî7,
Nâng chiũ àiⁿ chheng I-kâi-miâⁿ tsò Íⁿ-má-nũi-lĩ;
huan-e̍k chiũ-sĩ Siãng-tì kāng-nán tsò-pû-tõ. [24] Iak-sek u̍t-chhéⁿ khí-lâi, chiũ tsun-kiâⁿ Tsú sài-chiá âi mẽng, tshūa i-kâi-chhi lâi; būe-chêng kāng-i tâng-pâng thãi-kàu seⁿ-kiáⁿ; chheng kiáⁿ kâi miâⁿ tsò Iâ-sou1.
Iâ-sou íⁿ-keng tõ Hi-lu̍t uâng kâi sî-hāu tshut-sì tõ Iû-thài Pek-lĩ-hêng2, ũ phak-sṳ̃ tshông-tõ tang-pôiⁿ kàu Îa-lũ-sat-léng3, tàⁿ, [2] Seⁿ-tshut-sì tsò Iû-thài-nâng uâng kâi, tõ-tî-kò4? Uń tõ tang-pôiⁿ thóiⁿ-kìⁿ i-kâi-chheⁿ5, kù-tshṳ́ chiũ lâi-pài i. [3] Hi-lu̍t uâng che̍k thiaⁿ-tie̍h chiũ kiaⁿ-lṳ̃ hãm Iâ-lũ-sat-léng iā tsò-che̍k-ē kiaⁿ-lṳ̃. [4] Hi-lu̍t tsũ-chi̍p tsu-ūi chì-si-chiáng6, kũa mîn--kan kâi tha̍k-tsṳ-nâng7 , chiũ mn̄g in Ki-tok eng-kai tõ-tî-kò tshut-sì8. In chiũ ìn--i, tàⁿ, Tõ Iû-thài kâi Pek-lĩ-hêng, in-ũi thoh tõ soiⁿ-tsai-nâng chièⁿ-seⁿ kì-tsài, tàⁿ,
[6] Iû-tã tī, Pek-lĩ-hêng, a9,
Tõ Iû-tã kung-chiáng--tang lṳ́ sít m̄-sĩ tsùe-sòi--kâi;
In-ũi ũ kun àiⁿ tshông-tõ lṳ́--kò tshut--lâi,
Lâi mo̍k-iáng uá-kâi Íⁿ-sek-lie̍t mîn10.
[7] Aũ--liáu Hi-lu̍t mi̍t-mi̍t tiãu phak-sṳ̃ lâi tùi-in siâng-mn̄g hīn kâi chheⁿ sĩ-mih sî-hāu. [8] Chiũ sái in khṳ̀ Pek-lĩ-hêng, iũ tàⁿ, Nín khṳ̀ sòi-huáng hṳ́-kâi eng-jî; tshūe--tie̍h-liáu, chiũ lâi pò-uá-tsai, sái uá iā hó lâi-pài i. [9] Tsùaⁿ-nâng thiaⁿ--liáu kun-uâng kâi ūe chiũ khí-kiâⁿ; in tsá tõ tang-pôiⁿ só-thóiⁿ-kìⁿ kâi chheⁿ, ã! tshūa tõ-thâu-tsôiⁿ chì-kàu eng-jî só-tõ kâi ūi-tshṳ̀, chiũ thêng-tiām tõ-hṳ́ téng. [10] In thóiⁿ-kìⁿ hṳ́-kâi-chheⁿ chiũ tūa huaⁿ-hí kàu-ke̍k. [11] Ta̍h-ji̍p tshù-lãi, chiũ thóiⁿ-kìⁿ eng-jî kũa I-kâi a-bó Má-lĩ-a, chiũ phak-lo̍h-tī pài eng-jî; khui--liáu in-kâi pó-khì, chiũ khie̍h lói-mue̍h lâi chìn-hièn eng-jî1, chiũ-sĩ n̂g-kim, zú-hieⁿ, mu̍t-ie̍h. [12] Phak-sṳ̃ tõ-māng--tang siũ chí-sī2, hàm in mài tńg--khṳ̀ Hi-lu̍t--kò, chiũ tshông-tõ pa̍t-tiâu-lōu kui-tńg in-kâi pńg-tī.
[13] In tsùaⁿ-nâng tńg--khṳ̀ ãu, Tsú kâi sài-chiá tõ-māng--tang hién-hīn tùi Iak-sek tàⁿ, Khí--lâi, tùa eng-jî kũa I-kâi a-bó tsáu-khṳ̀ Ai-ki̍p, nā hṳ́-kò thãi uá lâi kāng-lṳ́ tàⁿ: in-ũi Hi-lu̍t àiⁿ-tshūe eng-jî lâi-suah I. [14] I chiũ khí--lâi sêng-mêⁿ tùa eng-jî kũa I-kâi a-bó, khṳ̀ Ai-ki̍p: [15] khiã-khí tõ-hṳ́-kò chì-kàu Hi-lu̍t sí: sái Tsú só-thoh soiⁿ-tsai-nâng kâi ūe èng-ngiām, chiũ-sĩ tàⁿ, Uá chêng-tiãu uá-kâi-kiáⁿ tshut Ai-ki̍p3.
[16] Hi-lu̍t che̍k-tsai sĩ pĩ phak-sṳ̃ só khin-buãn chiũ tūa náu-khì, sái nâng chiang Pek-lĩ-hêng kũa só-so̍k kâi kài-lãi só-ũ kâi lâm-jî, huâm ũ nõ-hùe íⁿ-ẽ--kâi che̍k-khài suah-mi̍t, chiũ-sĩ chiè i sòi-mn̄g phak-sṳ̃ kâi sî-hāu. [17] Tsá thoh soiⁿ-tsai-nâng Iâ-lĩ-mí só-tàⁿ kâi ūe4 hṳ́-sî chiũ èng-ngiām--liáu; sĩ tàⁿ,
[18] Tõ La̍h-má thiaⁿ-kìⁿ ũ siaⁿ,
Ai-khàu tūa pui-tshoih,
La̍h-kiet khàu i-kâi-kiáⁿ;
In-ũi in bô-tshûn kâi uân-kù chiũ m̃-siũ uaⁿ-ùe.
[19] Kàu Hi-lu̍t sí--liáu, Tsú kâi sài-chiá tõ Ai-ki̍p hién-māng kāng Iak-sek tàⁿ, [20] Hó khí-sin tùa eng-jî kũa I-kâi a-bó, khṳ̀ kàu Íⁿ-sek-lie̍t tī, in-ũi soiⁿ chhîm-hāi eng-jî kâi sèⁿ-miāⁿ chiá-nâng taⁿ sí--liáu. [21] Iak-sek chiũ khí-sin tùa eng-jî kũa I-kâi a-bó, lâi-kàu Íⁿ-sek-lie̍t tī. [22] Thiaⁿ-kìⁿ A-ki-láu tõ Iû-thài chiap i-kâi-pẽ tsò-uâng, chiũ kiaⁿ, m̄-káⁿ-khṳ̀ hṳ́-kò; māng--tang siũ chí-sī chiũ thò-khui kàu Ka-lĩ-lĩ kâi kài-lãi1, [23] khiã-khí tõ che̍k-kâi siâⁿ-ip, miâⁿ kiè-tsò Ná-sat-le̍k2: lâi èng-ngiām chèng soiⁿ-tsai-nâng só-tàⁿ kâi ūe, chiũ-sĩ tàⁿ, I chiang-àiⁿ chheng-tsò Ná-sat-le̍k nâng.
Tng hṳ́-kâi sî-hāu Si-sói Iak-hân3 chiũ lâi tõ Iû-thài kâi khuàng-iá thuân--tàⁿ4, [2] Tie̍h hùe-kói; in-ũi thien-kok kṳ̃n--liáu5. [3] Chí-kâi-nâng sĩ thoh soiⁿ-tsai Íⁿ-sài-a só-chí--kâi, sĩ tàⁿ,
Khuàng-iá--kò ũ nâng-siaⁿ u-hàm--tàⁿ6,
Tie̍h-siu Tsú kâi tãu-lōu,
Pha̍h-ti̍t I-kâi lōu-kèⁿ7.
[4] Chí-kâi Iak-hân8 kâi sin-chhēng sĩ lo̍h-tho̍h-mô chit--kâi, iā ũ phûe-tùa hâ-ie9, i-kâi-chia̍h chiũ-sĩ huâng-thâng10 iá-bi̍t11.
[5] Tng-sî Iâ-lũ-sat-léng kũa thong Iû-thài, kũa Iak-tãn sì-phìⁿ kâi tī-hng12, chiũ tshut--lâi chiũ-kṳ̃n i, jīn-tshut ka-kī kâi tsũe-kùe13, [6] chiũ tõ Iak-hân kâi chhiú--thâu niáⁿ-sói-lói tõ Iak-tãn hô. [7] Iak-hân thóiⁿ-kìⁿ Huap-lĩ-sài kũa Sat-thú-kai ke-ke-nâng lâi chiũ i-kâi sói-lói, chiũ tùi-in-tàⁿ, Ak-tsûa kâi chéng-lūi a1, ũ tî-tiâng chí-sī nín tô-tsáu chiang-lâi kâi náu-hêng2? [8] Kù-tshṳ́ tie̍h kit-kúeⁿ lâi hû-ha̍h hùe-kói. [9] Màiⁿ tõ ka-kī sim-lãi siẽⁿ--tàⁿ, Uń ũ A-pek-la̍h-hán tsò tsóu-pẽ3: uá kāng-nín tàⁿ, Siãng-tì lêng-tit tshông-tõ chí-kâi chie̍h-põu kāng A-pek-la̍h-hán heng-khí kiáⁿ-sun. [10] Taⁿ, póu-thâu íⁿ-keng hẽ tõ chhiū-kṳn--liáu: kù-tshṳ́ huâm-sĩ-mih chhiū m̄-kit hó-kúeⁿ-chí4, chiũ tsám-tiāu ka̍k-lo̍h-húe. [11] Uá chiũ-sĩ ēng-tsúi kiâⁿ-sói tõ nín, sái nín hùe-kói5: tãn-sĩ tõ uá-ãu--kò lâi--kâi pí uá kèng ũ khuân-la̍t, I-kâi-ôi uá iā m̄-kham-kai kāng-I kũaⁿ, I chiang-àiⁿ ēng Siàⁿ-sîn kũa húe lâi kiâⁿ-sói tõ nín6: [12] I-kâi-chhiú khie̍h pùa-ki7, tõ I-kâi sài-tiâⁿ àiⁿ-pùa kàu-chĩn, chiũ siu I-kâi be̍h ji̍p-tshng, tãn-sĩ chí-kâi phàⁿ-khak chiũ chiang put-mi̍t kâi húe lâi-sie-tiāu8.
[13] Tng-sî Iâ-sou tshông-tõ Ka-lĩ-lĩ9 l6ai kàu Iak-tãn, chiũ Iak-hân, àiⁿ tõ i-kâi-chhiú--thâu niáⁿ-sói10. [14] Iak-hân sî I, chiũ tàⁿ, Uá eng-kai chiũ lṳ́ lâi-niáⁿ-sói, lṳ́ kèng-lâi chiũ uá, hóⁿ? [15] Iâ-sou chiũ tùi-i tap-tàⁿ, Taⁿ chhiáⁿ èng-hṳ́: nán chièⁿ-seⁿ uân-tshuân lói-ngĩ chiàⁿ-ha̍h. [16] Chiũ èng-hṳ́ I. Iâ-sou niáⁿ-sói liáu sûi-chiet tshông-tõ tsúi--kò chiẽⁿ-khṳ̀11, thiⁿ chiũ kāng-I khui, I chiũ thóiⁿ-kìⁿ Siãng-tì kâi Sîn huáng-sṳ̃ hún-chiáu kàng-lîm tõ I sin--chiēⁿ12; [17] tshông-tõ thiⁿ--kò iũ ũ siaⁿ13, tàⁿ, Chí-kâi sĩ uá-kâi Ài-tsṳ́, uá só-hí-zua̍t--kâi14.
Iáu Iâ-sou khwt Sià#-sîn1 ín-tshūa chiẽ#-khẁ khuàng-iá2 tng mô#-kúi kâi iú-ho|k. [2] Bô-chia|h sì-tsa|p ji|t-mê#, ãu chiũ tóu khùn. [3] Iú-ho|k--chiá chiũ--lâi tùi I tà#, Lẃ jia|k-sĩ Siãng-tì kâi Kiá#, chiũ hó-sái chí-kâi chie|h-põu tsò mī#-pau. [4] Iâ-sou ìn--tà#, Ũ kì-tsài--tà#, Nâng kâi sè#-miā# put-to|k sĩ kõu mī#-pau, zûi-sĩ kõu Siãng-tì kâi tshùi huâm só-tshut kâi ūe3.
[5] Aũ--liáu mô-kúi tùa I ji|p sià#-siâ#4; sái I khiã tõ tōi#-tn̂g kâi tshù-kak-téng, [6] tùi-I tà#, Lẃ jia|k-sĩ Siãng-tì kâi Kiá#, chiũ hó chiang-sin ka|k--lo|h-khẁ: in-ũi ũ kì-tsài--tà#,
Tsú ũi-tie|h lẃ ài#-mẽng I chèng sài-chiá;
Sài-chiá chiũ chiang-chhiú hû--lẃ,
Mín-tì-kàu lẃ-kâi-kha tak--tie|h chie|h5.
[7] Iâ-sou tùi-i tà#, Iā ũ-kì-tsài--tà#, M̄-hó chhì Tsú, sĩ lẃ-kâi Siãng-tì6.
[8]
◌̍ U+030D |
ⁿ # ṳ U+0324 w